دنیا ایک درسگاہ

دُنیا کی مثال ایک ایسی درسگاہ کی سی ہے جو ایک ہی کمرہ پر مشتمل ہو، جس میں مختلف جماعتوں کے طلباء کو ایک ساتھ جمع کردیا گیا ہو: پہلی جماعت کے طلباء کالج اور یونیورسٹی کے طلباء کے ساتھ ہیں، ذہنی طور پر کمزور طلباء خداداد صلاحتیوں سے مالامال طلباء کے ساتھ ہیں۔

یہاں کا نصاب ہر زبان میں پڑھایا جاتا ہے اور ہر قسم کے مضامین کا احاطہ کیا جاتا ہے۔ ہر قوم اور ہر نسل کے طلباء یہاں شرکت کرتے ہیں ― تمام انسان شرکت کرتے ہیں۔ سب کی منزل ایک ہے، روحانی تدریج۔

اس درسگاہ کے اسباق تھوڑے مشکل ہیں، اسکی وجہ یہ ہے کہ یہاں ہمیں جسم دیا گیا ہے، لہٰذا ہمارا سامنا بیماریوں سے ہوتا ہے، موت سے ہوتا ہے، نقصان، درد، علیحدگی، اور بےشمار مختلف قسم کی تکالیف سے گزرنا پڑتا ہے۔

تاہم اس درسگاہ، یعنی دنیا میں ہمیں بےشمار فضائل بھی میسر ہیں، جیسے ناقابلِ یقین خوبصورتی، محبت، غیرمشروط محبت، روحانی ساتھی، تمام حواس کیلئے راحتیں، مہربان اور ہمدرد لوگ، اور روحانی ترقی و بلندی کے تیز تر مواقع۔

آخر کار، زندگی کے کئی نشیب و فراز سے گزرنے کے بعد، ہم ان تمام اسباق سے کچھ نہ کچھ حاصل کر ہی لیتے ہیں۔ اور پھر بالآخر ایک وقت آتا ہے جب ہماری تعلیم کا یہ سلسلہ مکمل ہوجاتا ہے، اور پھر ہمیں اس کے لئے دوبارہ جنم لینا نہیں پڑتا۔

اُردو ورڈ ― Urdu Word

Twitter: @UrduW

SMS: Send ‘F UrduW’ to 40404

http://www.UrduWordUrdu.BlogSpot.com